• 172441 visits
  • 36 articles
  • 178 hearts
  • 271 comments

New 2014 ! Guito'n Ft Zeineb - Sout Bladi صوت بلادي 26/10/2014

Play the video

 


 سنين تعداو ، ناس بدات تأيس
فدينا مالسياسة كل شي ولا مسيس
برشا كرهو الثورة سموها فشل
ماي كي نشوفو لي داير بينا بالسيف يرجع الأمل
شوف شصاير في دول في بقية اللبلدان
في مصر شعب تحصر بين عسكر و اخوان
ناس تقول شرعية و ناس تقول إرهاب
ناس تقول ثورة أخرى و ناس تقول إنقلاب
شوف شصاير في سوريا خراب و دمار
داعش كنتر مقاومة و زوز كنتر بشار
في ليبيا كلها تحكم و تصدر في القرارات
شعلت البلاد حرب بين حفتر والجماعات
شوف العراق اليوم شقاعد يصير
تفجير وراء تفجير شوف قداش من راس يطير
- ربي يقدر الخير و ربي يحفض البلاد
مش في عام ولا عامين بش نقضيو عالإستبداد
تذكر la révolution قداش دامت في la france
تذكر للألمان بعد الحرب قداش صبرو عل souffrance
c normale تلقى المحنة طالت
تلقى شعب لتوة فاهم الحرية بالغالط
كلها تطالب بالزياداة فوضى و جرافاة
le résultat في 4 سنين 5 حكومات
فترة انتقالية كل شي فيها مؤقت
تغلى الاسعار و الشعب يقلك تخنقت
كياس مسكر , معامل ما خدموش
يكمل يطلع الإرهاب سلاح يدور و كرطوش
فرقة في المجتمع و يولي تقسيم
تطلع عباد تمجد في النظام القديم
لي صار معانا صار مع أقوى الدول
ما وصلو اليوم الفوق كان ما صبروا و عانو قبل
ما تحكم بالفشل و تزيد تقسمنا
الثورة تدوم سنين هذا تاريخ شعلمنا
علمنا بلي الصبر مفتاح الفرج
تحب بلادك اخدمها في بلاصت ما تحتج
علمنا بلي ال يأس مفتاح الظلام
ما ينجح ثورة كان الشعب إلي يخزر القدام
تعدينا بأيامات صعيبة
إرهاب و تهريب كل يوم نشوفو غريبة
في الثورة étape جديدة , قادمين علها اليوم
يزي مالمؤقت نحبو مؤسسات تدوم
قدمنا خيارين وراهم مصير ثورتنا
يا احنا ننتخبو يا ينتخبو في بلاصتنا
كرهنا ولا حبينا تحكم فينا سياستنا
تحكمنا مصلحة تونس إلي هي مصلحتنا

Guito'n - Ta5alof 2 تخلف New 2014 ! 06/04/2014

Play the video

 


يزي ما كذبنا هذا حجمنا الحقيقي
تخلف ما تنجمش تنكر يا صديقي

شوف هوما فين شوف أحنا فين
سي نرمال بش تلقا داي جان يموتو حارقين

غادي تخدم توصل لهنا بلي تعمل محقور
هوما عندهم رئيس و أحنا عنا طرطور

نواب كي القصاص قدولنا الدستور
حتى برتيات الكرة تتلعب بلا جمهور

غادي النجاح لنا الفشل بعينو
أهبط للسوق تسمع كان سطوشي وينو

هما فايقيين و أحنا لنا تقول بالعينو
كملونا الإرهاب الواحد شوهولو دينو

ردونا كفار أكثر من قريش
يعيط الله اكبر و يذبح واحد مالجيش

هوني تتذل بش تجيب لقمة العيش
وعادي على جال غناية وراء الحديد تطيش

نفس العقلية يا معلم من عهد سطيش
نساهم لاهين يربوا و نسانا تقطع و تريش

هما في يداهم كتاب أحنا في يدينا كاس تاي
شطرها في القهاوي تعس علي ماشي و جاي

لنا تخلف .. جهل .. بار ديفو
غارقين في النفاق انتوراج فيسع ما تعيفو

فما لي تقلو أنا حر يجبد عليك سيفو
ولي دون صاحبو خاطر ما يخممش كيفو

ما نقيسوش على المخ ، على المظاهر نقيسو
تلقاه كستماي و يلحس في صبات رئيسو

غادي شعب فايق ، لهنا شعب ناعس
من كثر الكبت وصلوا يمسوا في الماعز

هوما بروفهم يبدا يقري و يفهم
لهنا ساعات كي تسأل بروف يبقى مبهم

شطرهم نجحوا بالحفاظة منغير فهم
هاذي حقيقتنا يزي ما عشنا الوهم

عقليتهم مش كيما عقليياتنا
علمائهم مش كيما علمائنا

عالمهم طلع دواء و عاقاقير
و العالم عندنا احنا يفتي ببول البعير

هوني لا فمة تفكير لا عقل مستنير
ولي يخرج مالقطيع آخرتو تكون التكفير

في مجتمع يخمم بالنص اللوطاني
عباد تحب تتبنى النموذج الأفغاني

غادي الكنيسة هي أقدس الأماكن
لنا عادي في بيت ربي تتجبد السكاكن

كي يشوفو تصاورنا كيفاش نعيشوا في التراكن
عالم يسخف علينا و يقلك ملا مساكن

فرق في الإنتماء فرق في حب الوطن
فرق حتى في الموسيقى و الفن

هوما عندهم ري تشارلز كي تسمعو ترتاح
و لهنا تزيد تكرز كي تسمع صلاح مصباح

كي تحب بنية لهنا يبعدوها عليك
حتى كي تضحي على خاطرك و إنت تعطاها عينيك

لي تبنوه مع بعضكم لازم في لخر يتكسر
خاطرك من حومة شعبية و هي من النصر

منغير ما نفسر و راسك لا مقارنة
ديجا بمنتوجاتهم محتلين ديارنا

بدبلوماسياتم محتلين آبارنا
و بكوميكاتم محتلين أمخاخ صغرنا

حكينا على المشكل توة نعطيك الحل
لازمك العلم يا جاهل بش تخرج المحتل

بالعمل تسرح الإقتصاد إلي تشل
لازم إستراتيجي بش تنهض كي باقي الدول

رجع الكفاءات و الناس القارين
لازم نظام يصرف على البحث العلمي أكثر مالاخرين

نظام حيادي أما زادة يحمي الدين
نظام يتمشى مع القرن الواحد و العشرين

لازم أسس صحيحة تكره ولا تحب
في الإنتخابات ما تخليش الجاهل ينتخب

ما تخليش جدك و جدي من الصندوق يقترب
اكاكا احزاب كيما النهضة فاسيلمون تتغلب

لازم عدالة إنتقالية و برشا كبس
إلي يتشد ماخو رشوة طيش دين أمو في الحبس

نضف الوزارات و الإدارات
صلح البنية التحتية بش تجيب استثمارات

وعي الشعب بش تعرف كيفاش يتصرف
اخدم صاحبي ، اخدم حتى و إنت مقرف

حارب التطرف و الجهل و الإرهاب
كلنا توانسة و لازمنا نبقوا ديما أحباب

هياكل الدولة لازمها تشبيب
حسن أوضاع الديوانة ينقص التهريب

راقب المراقبة يا معلم الكبس يجيب
فماش ما طيح الأسعار و يتنفنف الجيب

لازم جمهورية ثانية فيها عباد ما تبندرش
يزينا مالمسؤول الأصلع إلي عندو كرش

يزينا مالمسؤول إلي تقول عامل مزية
أقضي على الجهاويات بالتنمية الجهوية

تسلف قروض دعم باهم الفلاحة
أعرف كيفاش تتصرف في الموارد المتاحة

حل باب الإستثمار و نمي السياحة
و نقح قوانين الصيد البحري و الملاحة

صلح التعليم و نمي ثقافة النقد
ربي صغارك عالحوار في بلاصت الحقد

ربي صغارك عالفكر الحر و الإبداع
رد بالك ما تعنفهمش أدبهم بالإقناع

نجمو نولو القدام ، مش خير منا إلي قدموا
غدوة كي يدور الدولاب و البطال تخدموا

تتحسن الأحوال و تنقص نسبة الجريمة
التخطيط مش صعيب ماي لازم وعي و عزيمة

أي ألور من رأيي يبقى هذاك الحل
الأيديولوجية بلي تكون اخرتها الفشل

مازلت قدامنا فرصة قبل ما يفوت الفوت
إن شاء الله نشوف بلادي الفوق قبل ما نموت

هذايا رأيي و الحقيقة ما نملكهاش
الأراء تختلف كل شي نسبي ما تنساش

قالوا قيتو 'ن تقلب ، الله غالب مكتوب
قناعاتي تتبدل مانيش لوجسيال مصبوب

Guito'n - Ya Mitchaded يا متشدد New 2013 05/08/2013

Play the video

 

Ya Mitchaded (2013) 25/06/2013

Listen

  • Title: Ya Mitchaded
  • Year: 2013

Guito'n - Rasi 3ali راسي عالي New 2013 ! 19/04/2013

Play the video

 

Guito'n - Ta5allof تخلف New 2013 24/03/2013

Play the video

 


هوما تقدم تكنولوجيا و علوم 
و أحنا تخلف شعوبنا تضرب في النوم
هوما ناطحات سحاب و أحنا نعيشو تحت الأرض
 قريب نتيتمو بش يعطونا قرض 
 
صنعوا صواريخ ، دورنا صواريخ
احنا نكمو بش ننساو و هوما وصلو للمريخ 
هوما بمواردنا بناو إقتصاد 
سي نورمال يخزرولك جاهل جاي مالأبعاد 
 
شنوا قدمنا للعالم بش هوما يعطونا قدر
شنوا  قدمنا  أبار  النفط  متاع  قطر
قلي براس أمك جاوبني تي شنوا قدمنا 
تي رانا عالم ثالث لي تركبلو يستعمرنا 
 
برى شوف قداش صنعو من مكوك  
و أحنا لتوة باهتين كيفاش عملو الفاسبوك 
تي متخلف يشوفوك , عادي يحقروك 
يجونا منغير فيزا وإنتي عالفيزا يريفزوك 
 
هوما بناو جيوش دبابات و رصاص 
و أحنا كان البهامة زعمة فما دماغ فاك الراس
النابغة يدعمه و أحنا النابغة نحطموه 
هوما الكفء يخدموه و أحنا نخدمو بالوجوه
 
هوما مدللين و أحنا ناس تقاسي 
هوما عندهم اوباما و أحنا عنا البحري الجلاصي 
هوما يتعلمو و أحنا بقينا كان نفلمو 
هوما يسطرو و ينفذوا و أحنا بقينا كان نتكلمو 
 
صغارهم يترباو على شدان الصف 
أحنا تلميذ يشدو  المدير في الساحة بالكف 
هوما ريوسهم الفوق و احنا ربونا عالذل 
تي يفسخنا أباما أذا عالكوماند نزل  
 
غادي تاخو متاعك لنا لإستغلال
هوما يقرو في الكتب و أحنا كونكتاي بار تال 
بناو التور ايفل و أحنا بنينا لافريكا 
يلبسو و فضلتهم نلبسوها روبا فيكا 
 
خترعو دوايات ، احنا إيخترعنا أمراض 
مخاخهم في التقدم  , مخاخنا في المرحاض
احنا نخافو ملي جاي ، هوما يسطرو للي جاي
هوما في 2050 و أحنا من عهد الباي 
 
جابو حضارة أحنا جبنا الهمجية  
نشروا العلوم وأحنا غرقنا في الأمية   
هوما يمنوا بمصالح إقتصادية 
وأحنا بقينا كان نئمنو بالمؤامرة الماسونية 
 
بوليسهم يحماهم ، بوليسنا يقمعنا
هما يقدم و أحنا للجاهلية رجعنا
حكموهم رجال أحنا حكمونا رهوط 
هوما يداوو بلاش لنا ما عندكش بارا موت 
 
هوما متحضرين أحنا شعب مكبوت 
همجية في الكار و ريحة ضبوط
صنعوا لكراهب و أحنا نصطادو  في الحوت  
غاديكا يعيشو احرار وإنت لنا تعيش مربوط 
 
عندهم الفلوس وإنت لنا مديون
لنا جعايل غادي كلها تحت القانون 
ليغالطم يتحاكم وأحنا نمجدو الكذاب 
يتظاهرو عالوطن احنا نتظاهرو عالاحزاب 
 
هموا يختصبو وأحنا بقينا كان إنددوا
هوما يبتكروا  واحنا بقينا  كان نقلدوا 
ما يخزروش للطفلة مش كي تبدا nue  
احنا طفلة لابسة دجين تمركي 3 ملاين vue
 
يحبو لينقدهم احنا نحبوا لينافقنا 
هوما يحبو ليفيقهم أحنا نعنفوا ليفيقنا 
أمتهم في تقدم و أحنا عنا رجال توخر 
للخدمة يوصلوا قبل الوقت وأحنا نوصلوا مخر 
 
كياساتهم Tapis كياساتنا كلها حفر
توحل في أمبوتياج و توصل بعد 3 شهر 
غادي جسور و انفاق ، لنا كان النفاق 
غادي أفاق لنا تهز ساق تغرق ساق 
 
حقوقهم متساوية لنا غني ياكل الفقير 
غادي حرية تعبير لنا تربو عالبندير
غادي يثوروا و يبنيو لنا تواحشو لحنين
بعد الثورة بعامين رجعو يعيطو يحيا الزين
 
غادي يعينولك محامي لنا أخرتك مسجون
غادي عدالة لنا إنت ولد شكون
غادي يحكم القانون لنا يحكم تلفون
كان راجل هات جعالة و كان فتاة وري الماعون
 
غادي تلقى المفكر لنا تلقى النبارجي
يمجدوا المخترع و أحنا نمجدوا الكوارجي
ياخذو المليارات و احنا سا في مال
نبقو نتقاتلو كي تلعب البرسا و الريال
 
غادي ياقفوا مع المواطن لنا أحرق كان فديت
غادي ما تقراش تعيش لنا تقرا و تشد الحيط
شعوب متخلفة صاحبي و نقلك علاه
بار إكزمبل دبلومك تنجم تنفخو تشرب ماه
 
هوما كل يوم عالم جديد وحنا بقينا 
واقفين على أطلال الخوارزمي و إبن سينا
هوما دعموا المواهب و احنا ضحكنا علاهم
سمعو المفكرين وأحنا كفرناهم
 
لنا ناس ما علابالها غادي ناس مسؤولة
عملوا أكبر دبابة عملنا أكبر صحن تبولة
تي عادي بعد التيتر يردني ماسوني
لبراج لنتفخرو باهم بناهم جابوني
 
خاطرنا لا صنعنا لا إخترعنا
لا قرينا لا نسجنا لا ساهمنا لا نفعنا
تذكر الفتوحات و شوف الشعب كيفاش ولا
ديما هوما المحتلين و أحنا المناطق المحتلة
 
كلا ميسالش قلي كلا و أنا غالط في التصور 
ميسالش حاول اقنعني لي أحنا شعب متطور
ياخي علاش تغطيو في عين الشمس بالغربال
زعام كان في الطفلة تسوق حرام ولا حلال
 
هوما اتحدوا و أحنا غدرنا بعضنا في المحن
امتنا ضاعت من فتاوي شيوخ الفتن
حسيبهم ربي لعبو بمخاخ الذراري
بناتنا بعثوهم الى سوريا و عملوهم جواري
 
يا حسرة على صلاح الدين والفتوحات
حضارتنا ضاعت ولينا اليوم تحت الصباط
ويني كرامتنا كلمة الحق نقولو
ولد محمد السادس في يديه يبوسولو
 
نحنا نقارنوا و هوما ما يقارنوش
العربي يحتقروه غادي ما يحبهوش
كرهنا ولا حبينا ما عناش قدر
فيقو مالوهم لننهض يا بشر
 
نحكي هكا خاطرني عالأمة غاير
سامحوني ما نجمش نسكت علي صاير
عارف كلامي يوجع عارف كلامي قاسي
ماي هذا واقعنا ما جبت شي من راسي

Guito'n - Nosket Khir نسكت خير New 2013 08/02/2013

Play the video

 


ما فماش الصدق فما برشا تنوفيق
بسيف عليك لهنا بش تحس بالضيق

فما المتخرجين و ما فماش خدم
فما ليطير في مخو أما بالخلطة بهم
فما لمتثقف عرضني في دبابز يلم
وفما لي كان عاقل عرضني البارح يشم

فما برشا كلام و ما فماش أفعال
فما زوز خدامة و قريب المليون بطال
كلها تجري عالكرسي مستقبل لبلاد ضلام
دوروها فايسبوك براس أمك حط جام

فما برشا عقول و- ما فماش تخمام
ناس تمقس من تالي و- ناس ترقص من قدام
فما إلي يجعل بش يتعدى في الإعلام
و فما مسلمين ماي قلي وينو الإسلام

فما ذكور ماي وينهم الرجال
فما برشا حرام و ما فماش حلال
فما برشا كذب حكايات ماهيش ريال
و-فما برشا مثقفين حشاك جهال

فما إلي تعبو في حياتهم و ما وصلوش
فما إلي كسبتو عشيرة زادو نترولو الستوش
فما الشاقي لي يصرف وحدو عالدار
كراء و ماء و ضو بخلاف كريدي العطار

فما برشا مصاريف و ما فماش مدخول
فما نواب و وزراء و ما فماش حلول
فما رشوة مالا المسؤول علاش مجعول
و فما طارق مكي في دارو يلقوه مقتول

فما الحسودي إلي كي تحزن يعمل جو
و فما الموت إلي خطف منا زقو
فما برشا خانو شهيد الثورة المسكين
فشلت الحكومة ياخي رجعو يعيطو يحيا الزين

فما الفلاحة جرتهم الخبزة غلات
ما يراقبهم حد ... جعايل تمشات
شعب بش يقاسي أبارامون حتى الممات
هذيا بلاد غير صالحة للحياة

صالحة لللحيات ماناش متاع تفكير
احنا ناس ماناش متاع حرية تعبير
لا مخ لا ضمير تي واحد يسكت خير
ملخر ايجا قابلني كان يحصل تغيير

يا رسول الله تقول قطيع متاع خرفان
أطلع في الكار شوف الهمجية و الدزان
تخرج مع الدار ما تسمع كان السبان
ولي تلقاه يفعفع و هو أكبر جبان

ولينا في غابة تي فيقو يا بشر
ما نستغربش كان طيارة يضربوها بالحجر
ما تمنش كلامي برا أرجع للصور
كل يوم مصيبة تونس وقتاش بش تستقر

يكذب عليك لي يقلك البلاد لاباس
هاو إعتصام هاو جماعة سكرو الكياس
ناس بش تعيش ولات تفك متاع الناس
ما تفهم شي تسأل روحك إنت شكونك

مادام باللي تخالط ما تلقاش شكون يصونك
تكري مع أقرب الناس يسرقولك تليفونك
تعمل من طفلة راس مال و مبعد تخونك
....

فما العديان و ما فماش صحاب
لا عاد تمن البراني لا تمن القراب
مادام المجتمع يحكمو قانون الغاب
شباب ولا مدبرم عالقلبة حاب

كذب في الخطاب حك راسك أعمل إضراب
تي حتى لبروفات ريحتهم بالشراب
عمر ماشي و يقدم و الدنيا ماشية و تصعاب
فوروقات في المجتمع فوارق بين الأتراب

عدة نقاط إستفهام
وقتاش بلادنا بش تقدم القدام
وقتاش تتبدل العقلية و التخمام
وعليكم السلام

Guito'n - 7othalet حثالات 30/10/2012

Play the video

 


Aya golna salem
ma fhimtech 3lach rappeuret machia w tebhem

- Ahla bik 5oya fi domaine les amateurs
tjib bnet fi clip twalli a9wa rappeur
9adach min secteur echay motaba3ed
borjoliya mosta9bel errap fi tounis wa3ed


- tari5kom ma3rouf ya 7othalet
li yatla3 fi domaine tetkattel fih errapperet
monaf9in kadheba , 7sebto lil kasseba
kol ma nzid n9addem tahbet 3lik el ka2aba

- Ti rani weld 24 all star
ma nitcaptech 5aterni ana howa el radare
ki nghib 3al domaine tatla3 chwaya asami
nhabbet Titre jdid kolha tetfassa5 9odami

- tesre9li fi klami billahi fahemni
kifech rappeur fachel kifek yousel y9ayemni
ta3mel fi rap tecknique 3ati ma 3andek 9oddami
wa9telli nrapi bich nsakket nadia el fani

- tayyech nafs el kalimet 3ala nafs el instru
nafs el araneb tga77ef fil avunu
kol nzid n9adem 5atwa inti tzid tfed
adhaka 3lach ismi fi traken walla yasser yetjbed

- dima tetjawel btabdila wa7da hip
t7eb twarri comme koi li inti howa mta3 el clip
ama 5sara laa wa9fok la fanet la rjel la bnet
wa9fettek kan el baga tjib echobohat

- mdéconecti mil domaine la nasma3 la nitfarrej
madam ma3adech tfarra9 bin rappeur w moharrej
Guito'n 7ka 3al politique fi 3ahd zin
3omrek ma t9aren chigivara b'mr bean

- marra imani yodh3ef noghlet ghalta wila 2
w marra imani ya9wa na3mel ghnaya 3al din
marra nghleb el chitan w marra yeghlebni echitan
mais ma nghanich bklam zayed ommi wa7da mil les fans

- rappeuret 3amla rwa77a tkarkira fammach ma tetchar
ti famma chkon li wsel yghanni 3al bgar
kifech t7ebni nrespectik ayy w na3tik 9dar
normalment ylimmokom saf w yorjmolom bil7jar

illi bninah fi la7dha jito intoma haddimtoh
t7ebbo rap dima ma7sour kan lkrayek yasm3oh
kifech t7ebo rap tounsi ywalli international
w9telli chtar errapeuret fi tounis tafkirhom banal

- tetmannali el mout w tadh7ekli face a face
el 9loub el bahia tal9aha 3and el 7ammas
ti millle5er errapeuret fi tounis nwa3in
rappeuret tnabber w rappeuret yhezo t7in

- fil 5edma ma nfadlekch ma ne5demch m3a illi yji
na3ref ro7i ana chnawa 5alli 3andek ton avis
ma t9ollich mon amis 5atrek makch mon amis
inti t7eb ta3mel feat adhaka 3lach tadh7ekli

- ma 3annach rap lihna ksibetkom el 24
ma ydoum fil wed kan 7ajro wfama kan 10 7ajrat
kifech ta7ki 3al niveau w t9olli asami 3imla9a
taw ki twalli tasma3 rap twalli t3aytelhom sarra9a

- nabber clashi ta3refni ma 3labalich
ahwaka kan 3andek jdid 5oya ma tsama3nich
nit7akkem fi les mc n7attemhom wila nasna3hom
3amloli barcha clashet nal9a fadhwa taw nasma3hom

kima fama lmkacha5 w fama l'Clubiste
zada fama li tes2lo y9ollek Guitoniste
aheka 3lach manich ki b9iyet les artistes
ma na7kich bil les statuts 5o naf3el bil les pistes

Guito'N Feat Badra - Saf7a Jdida [By Hamsofski] 08/07/2012

Play the video

 

كي نرجع بفكري للماضي و نتذكر اياماتنا
تجي قدام عيني قصة حلوة ترسمت بياتنا
وقت الي عشقتك ما خممتش في الآتي
خاطرك البنية الوحيدة الي بكاتني في حياتي
كنت انسان ضايع من كثر ما نخمم فيك
في طبيعتي مش مغيار اما انتي غرت عليك
تعلمت معاك كيفاش يحب الراجل بالحق
Mais الله غالب في بالي تستحق
Domage الايامات الحلوة عمرها ما تدوم
من اول غلطة بعدت باش انا ندفع السوم
في بالي الي جمع بيناتنا اكبر من مشاكلنا
اتذكر اش قتلك في آخر مرة تقابلنا
En tout cas تحب تمشي بالتوفيق ربي معاك
آخر مرة باش تراني ما نبقاش نجري وراك
يمكن تعرف بعدي شكون و لنا حدي
Mais ما ضاهرلي كان فما انسان باش يحبك قدي
***************************

نستعرف تأزمت ايامات حزن و فدة
نتذكر عينيك كل ما نحط راسي عالمخدة
كرهت حياتي Mais ما حسيتش بالندم
خاطر بالي باش نحبك كرامتي تبقى اهم
مرارة قعدت في القلب و من داخل حزن كبير
Mais حتى و اتي بعيدة صدقني تمنيتلك كان الخير
انسان حزين و باش نبقى ديما حزين
خاطر الي بننا مش شوية عشرة تلاثة سنين
إحمد ربي لقيت شكون وقفت معايا في المحنة
قاتلي مش ديما الدنيا تمشي كيما نحبوها احنا
مالي دخلت لحياتي درا كيفاش قلبتها
ما فهمتش علاش نتبسم كل ما نغزر ل ضحكتها
كي شفتها القلب رجع يدق و انا في بالي مات
ما نكذبش عليك خفت لا يتعاود الي فات
يزيه الواحد ما قاسا مالعذاب
و نسيت بلي الحب كي يجي ما يدقش الباب
وليت نخمم فيها اكثر مالي نخمم فيك و استنيت
لين قاتلي نحبك و نموت عليك
نهارتها وليت اسعد انسان
ما تصورتش باش ننساك فيسع و نودع الاحزان
جاية اليوم تحكيلي و تحبني نسمعلك
جاية اليوم تبكيلي و تحبني نرجعلك
Désolé انتي خليت راجل يتذل
اهاوكا قد ما تعرف غيري تزيد تحبني اكثر من قبل
اتذكر قتلك ترجع لكلامي نهار
و اذا انتي رجعت اليوم Désolé راك جيت Retard
انا اليوم عندي شكون بنية باش نعطيها حياتي
اما انتي Désolé وليت من جملة ذكراياتي

malgré tout ما تتصورش معزتي ليك
تي بالعكس الماضي متاعي مبني عليك
حاول تنساني كيما انا نسيتك و حاول تنسى بالي في الماضي حبيتك

La Preuve 2 10/04/2012

Play the video